සමුදුරින් එහා මිත්‍රත්වයේ දෙවන දිනය

පසුගිය 20වන දින මෙරටට පැමිණි ඉන්දියාවේ භිවාඩි නුවර Seth M.R. Jaipuria පාසලේ වයස අවුරුදු 15න් පහළ ක්‍රිකට් කණ්ඩායම සංචාරයේ දෙවනි දිනය වන ඊයේ දිනයේදී(22) උදෑසන හලාවත ශ්‍රී විජයාරාම විහාරස්ථානයෙහි වන්දනාවකට එක්වුණා. එහිදී ඔවුන් බෞද්ධ සංස්කෘතිය පිළිබඳවද අධ්‍යයනය කෙරූ අතර රටවල් දිත්වයේ සංස්කෘතීන්ද හුවමාරු කරගත්තා. \n\nඉන් පසු ආනන්දිය ක්‍රීඩා පිටයේදී ආනන්දීය 15න් පහළ ක්‍රිකට් කණ්ඩායමත් සමඟ තවත් සුවිශේෂී සුහද ක්‍රිකට් තරගයකට එක් වුණා. එහිදී ඉතාමත් සහයෝගයෙන් හා මිත්‍රශීලීව දෙරටම ක්‍රිකට් තරගයෙහි යෙදුණා.\n\nඑමෙන්ම එහිදී  ක්‍රීඩා පිටියේදී ක්‍රීඩකයින් මුහුණ දෙන ඕනෑම සෞඛ්‍යමය හදිසි අවස්ථාවකදී මූලික ප්‍රතිකාර ලබා දීම සඳහා ආනන්දීය සාන්ත ජෝන් ගිලන්රථ සේවා ඒකකය සියලු පහසුකම් සහිතව සූදානම් කර තිබුණා.\n\nතවද විද්‍යාලීය ශිෂ්‍ය නායක මණ්ඩලය සහ මාධ්‍ය ඒකකය සමග ඉන්දීය කණ්ඩායම ඉතා සුහදශීලීව හා තම අත්දැකීම් හුවමාරු කර ගනිමින් ඉතාමත් මිත්‍රශීලීව කටයුතු කළා.එමෙන්ම ඔවුන් සිසුන් සමඟ  ලෙන්ගතුව කතාබහ කරමින් ගත කළ ඒ සුහද මොහොත සෑම දෙනාටම අලුත් අත්දැකීමක් වුණා\n\nමේ අයුරින් පාසල් ද්විත්වය අතර සුහදත්වය වර්ධනය කරමින් හා දෙරටේ සංස්කෘතීන් හුවමාරු කරගනිමින් ඉන්දීය කණ්ඩායම එළඹෙන 26 වන දක්වා දිවයිනේ රැඳී සිටීමට නියමිතයි.