ඉන්දියාවේ Seth M.R. Jaipuria පාසලේ ක්‍රීඩකයන් ඇතුළු කණ්ඩායම දිවයිනට

පසුගිය 2025 වර්ෂයේ ජුනි 1 දා සිට 8 වන දා දක්වා හලාවත ආනන්දීය 15 පහළ ක්‍රිකට් කණ්ඩායම ඉන්දියාවේ භීවාඩි නුවර(Bhiwadi) Seth M.R. Jaipuria පාසලේ සිදු කෙරූ ක්‍රිකට් සංචාරයේ ප්‍රථිපලයක් ලෙස මෙරට ක්‍රිකට් සංචාරයකට පැමිණීමට නියමිතව තිබූ Seth M.R. Jaipuria පාසලේ 15 පහළ ක්‍රිකට් කණ්ඩායම මීට සුළු මොහොතකට පෙර (ප.ව.4.50 ට පමණ) Air India AI 281 දරන ගුවන් යානය මගින් දිල්ලි අගනුවර සිට දිවයිනට ළඟා වූවා.

ඒ අනුව ඔවුන් එළඹෙන අප්‍රේල් 26 දක්වා ආනන්ද විද්‍යාලය සමග රැඳී සිටිමින් පාසල් ද්විත්වය අතර පවතින ද්වීපාර්ශ්වික සබඳතා සහ මිත්‍රත්වය තවදුරටත් තහවුරු කිරීම,ජාත්‍යන්තර මට්ටමේ ක්‍රීඩා අත්දැකීම් ලබා දෙමින් දරුවන්ගේ ක්‍රිකට් කුසලතාව ඉහළ නැංවීම විශේෂයෙන්ම දෙරටේ සිසුන් අතර සංස්කෘතික සහ ක්‍රීඩාශීලී සබඳතා ගොඩනැගීම ආදී දේ සිදු කිරීමට නියමිතයි.

ඒ අනුවක්‍රීඩාව තුළින් මිත්‍රත්වයේ දෑත් දිගු කරන Seth M.R. Jaipuria පාසලේ ක්‍රීඩකයන් ඇතුළු කණ්ඩායම අපි ඉමහත් ගෞරවයෙන් හා ආදරයෙන් පිළිගනිමු - श्रीलंका में आपका स्वागत है!